«Fiorentina» Zirkzeyeni ijaraga olishi mumkin

«Manchester Yunayted» hujumchi Joshua Zirkzeyeni ijaraga olish bo‘yicha «Fiorentina»ning taklifini ko‘rib chiqmoqda.

Insayder Fabrisio Romano ma’lumotiga ko‘ra, italiyaliklar futbolchi uchun 5 million yevro to‘lashga, uning maoshi xarajatlarini o‘z zimmasiga olishga hamda keyinchalik futbolchini sotib olish opsiyasini faollashtirishga tayyor.

Ma’lumot uchun, 25 yoshli niderlandiyalik hujumchining «Manchester Yunayted» bilan amaldagi shartnomasi 2029 yil 30 iyunga qadar mo‘ljallangan. Uning bozor qiymati 20 million yevroni tashkil etadi.

Zirkzeye «Manchester Yunayted»dagi ikki yil davomida 75 ta uchrashuvda maydonga tushib, 9 ta gol urdi va 4 ta golli uzatmani amalga oshirdi.

Futbolchining vakillari ham «Fiorentina» taklifini o‘rganmoqda.

Roziqjon Sultonmurodov

Jurnalist

0 0 0 0 0 0