«Фиорентина» Пиоли билан хайрлашмоқчи
Флоренция клуби турнир жадвалида сўнгги ўринда бормоқда.
ФОТО: Getty images
“Фиорентина” раҳбарияти бош мураббийи Стефано Пиоли яқин соатларда хайрлашиши мумкин.
Флоренция клуби ўз майдонида “Лечче”га 0:1 ҳисобида ютқазиб, яна бир мағлубиятни қайд этди.
Натижада жамоа 10 турдан сўнг жамоа А Серия жадвалида 4 очко билан сўнгги ўринлардан бирини эгаллаб турибди ва ҳалигача бирор ғалаба қозонмаган.
Фабрицио Романо маълумотига кўра, Пиоли ишдан бўшатилишга яқин турибди ва унинг истеъфоси яқин кунларда расман эълон қилиниши кутилмоқда.
Агар Пиоли лавозимидан кетса, “Фиорентина” бош мураббийи лавозимига эҳтимолий номзодлар орасида Тьяго Мотта, Даниэле Де Росси ва бошқа машҳур мутахассислар бор.
Розикжон Султонмуродов
Журналист