«Фиорентина» Артюр Атта трансфери бўйича келишувга эришди
23 ёшли франциялик футболчи тиббий кўрикдан ўтиш ва шартнома имзолаш учун Флоренцияга йўл олган.
ФОТО: Getty images
«Фиорентина» «Удинезе» ярим ҳимоячиси Артюр Аттани ўз сафига қўшиб олиш бўйича келишувга эришди. Бу ҳақда журналист Фабрицио Романо хабар берди.
Маълум қилинишича, трансфер учун 30 миллион евро тўланади. Шунингдек, битим бонуслар ва футболчининг кейинги эҳтимолий сотувидан улуш олиш бандини ҳам ўз ичига олади.
23 ёшли франциялик футболчи тиббий кўрикдан ўтиш ва шартнома имзолаш учун Флоренцияга йўл олган.
Артюр Атта сўнгги икки мавсум давомида «Удинезе» шарафини ҳимоя қилди. 2025/26 йилги мавсумда у барча мусобақаларда 34 та учрашувда иштирок этиб, 6 та гол ва 3 та голли узатмага муаллифлик қилди.
Эслатиб ўтамиз, ўтган мавсум якунига кўра «Удинезе» А Серияда 10-ўринни эгаллаган бўлса, «Фиорентина» 42 очко билан 15-поғонадан жой олган эди.
Розикжон Султонмуродов
Журналист