FIGC президенти Гаттузонинг келажагига ойдинлик киритди
Италия кетма-кет учинчи марта Жаҳон чемпионатининг ўтказиб юборади.
ФОТО: Getty Images
Италия футбол федерацияси (FIGC) президенти Габриеле Гравина Италия миллий жамоасининг ЖЧ-2026 йўлланмаси учун кечган ҳал қилувчи баҳсда Босния ва Герцеговинага имкониятни бой берганидан сўнг (1:1, пенальтилар сериясида 1:4), амалдаги бош мураббий Женнаро Гаттузонинг келажаги ҳақида тўхталиб ўтди.
«Мен Женнаро Гаттузодан ўз лавозимини тарк этмаслигини ва жамоа билан ишлашда давом этишини сўрадим», — деди Гравина.
Та’кидлаш жоизки, «Сквадра Адзурра» ўз тарихида илк бор кетма-кет учта Жаҳон чемпионатини ўтказиб юборадиган бўлди. Италияликлар охирги марта 2014 йилги дунё биринчилигида иштирок этишган эди. Маълумот учун, Италия терма жамоаси тўрт карра Жаҳон чемпиони ҳисобланади.
Насрулло Каримов
Журналист