FIGC prezidenti Gattuzoning kelajagiga oydinlik kiritdi
Italiya ketma-ket uchinchi marta Jahon chempionatining oʻtkazib yuboradi.
FOTO: Getty Images
Italiya futbol federatsiyasi (FIGC) prezidenti Gabriele Gravina Italiya milliy jamoasining JCH-2026 yo‘llanmasi uchun kechgan hal qiluvchi bahsda Bosniya va Gersegovinaga imkoniyatni boy berganidan so‘ng (1:1, penaltilar seriyasida 1:4), amaldagi bosh murabbiy Jennaro Gattuzoning kelajagi haqida to‘xtalib o‘tdi.
«Men Jennaro Gattuzodan o‘z lavozimini tark etmaslikni va jamoa bilan ishlashda davom etishni so‘radim», — dedi Gravina.
Ta’kidlash joizki, «Skuadra Adzurra» o‘z tarixida ilk bor ketma-ket uchta Jahon chempionatini o‘tkazib yuboradigan bo‘ldi. Italiyaliklar oxirgi marta 2014 yilgi dunyo birinchiligida ishtirok etishgan edi. Ma’lumot uchun, Italiya terma jamoasi to‘rt karra Jahon chempioni hisoblanadi.
Nasrullo Karimov
Jurnalist