FIFA ЖЧ-2026да оғзини ёпиб гапирган футболчиларга қизил карточка кўрсатишни режалаштирмоқда
Шунингдек, яна бошқа янгича тартиб жорий этилиши мумкинлиги айтилмоқда.
ФОТО: Getty Images
Халқаро футбол федерацияси (FIFA) 2026 йилги Жаҳон чемпионатида янгича тартиб жорий этишни режалаштирмоқда. Унга кўра, рақиб билан можароли вазиятларда оғзини ёпиб гапирган футболчиларга қизил карточка кўрсатилади. Бу ҳақда The Times нашри хабар бермоқда.
Манбанинг маълумотларига кўра, шунингдек, ҳакам қарорларига норозилик сифатида майдонни тарк этган футболчилар ҳам четлатилиши кўзда тутилган.
FIFA президенти Жанни Инфантино ушбу ўзгаришлар ҳақида ташкилотнинг 30 апрел, пайшанба куни Ванкуверда бўлиб ўтадиган конгрессида расман маълум қилиши кутилмоқда. Таъкидланишича, мазкур янгиликлар фақатгина бўлажак жаҳон биринчилигида қўлланилади.
Насрулло Каримов
Журналист