FIFA жаҳон чемпионларига бриллиантли олтин узуклар топширади
Жами 2026 дона узук тайёрланган. Шундан 30 таси чемпион жамоа футболчилари ва мураббийлар штабига берилади.
Фото: Getty Images
2026 йилги Жаҳон чемпионати ғолибларига Superbowl'даги анъанага ўхшаш махсус чемпионлик узуклари топширилади.
Жами 2026 дона узук тайёрланган. Шундан 30 таси чемпион жамоа футболчилари ва мураббийлар штабига берилади. Қолган 1996 дона узук эса FIFAнинг расмий лицензияланган маҳсулоти сифатида мухлислар учун сотувга чиқарилади.
Узуклар олтиндан тайёрланиб, бриллиант ва сапфирлар билан безатилган. Ҳар бирида Жаҳон чемпионати кубоги тасвири акс эттирилади, дизайн эса ғолиб мамлакатга мос равишда алоҳида ишлаб чиқилади.
Финал ҳуштаги янграгач, жамоа сардори ва бош мураббий узукларнинг вақтинчалик нусхаларини дарҳол қабул қилиб олади. Қолган узуклар эса кейинчалик ҳар бир футболчининг ўлчамига мослаб тайёрланиб, топширилади.
Насрулло Каримов
Журналист