FIFA пул ишлашнинг ноодатий йўлини топди
Халқаро футбол федерацияси (FIFA) 2026-йилги Жаҳон чемпионати финалига мезбонлик қиладиган Нью-Йоркдаги стадион чимининг бир қисмини сотувга чиқаради. Бу ҳақда The Athletic нашри хабар бермоқда.
Манбанинг ёзишича, узоқ муддат сақланиши учун махсус смола (смола ичига жойлаштирилган) билан қопланган ҳар бир чим бўлагининг нархи 450 доллардан 3000 долларгача бўлади. Майдон бўлакларини харидорларга етказиб бериш 19-июль куни бўлиб ўтадиган финал баҳсидан сўнг бошланади. Чим бўлакларини фақатгина АҚШ, Буюк Британия ва Европа давлатларида истиқомат қилувчи мухлислар сотиб олишлари мумкин.
Акрил ғилоф ЖЧ-2026 логотипи, ўйин ўтказилган жой, сана ва учрашувнинг якуний ҳисоби билан безатилади. Шунингдек, тўплам таркибидан чимнинг ҳақиқийлигини тасдиқловчи сертификат ёзилган USB-диск ҳам ўрин олади. Ушбу эсдалик совғалари ишлаб чиқариш билан Буюк Британия компанияси шуғулланмоқда. Улар харидорларга 450, 900, 1200 ва 3000 доллар қийматга эга бўлган тўрт хил вариантни таклиф қилмоқда. Ҳар бир вариант атиги 2026 дона нусхада чекланган тиражда чиқарилади. Агар барча нусхалар тўлиқ сотилса, бундан 11,2 миллион доллардан ортиқ даромад олиниши кутилмоқда.
Маълумот учун, 2026-йилги Жаҳон чемпионати 11-июндан 19-июлга қадар АҚШ, Канада ва Мексика майдонларида бўлиб ўтмоқда.
