ФИФА президенти: Бутун футбол олами Россиянинг қайтишини хоҳламоқда
Расм: gettyimages.com Жанни Инфантино
ФИФА президенти Жанни Инфантино Россия миллий терма жамоасининг халқаро футбол саҳнасига тезроқ қайтишидан умидвор эканини билдирди. Бу баёнот АҚШ президенти Доналд Трамп билан учрашувидан сўнг янгради.
Учрашув пайтида Трамп Россия терма жамоасининг вақтинча четлатилгани ҳақида хабардор эмаслигини маълум қилиб, вазиятни тушунтиришни сўради ва можарони тинч йўл билан ҳал этишда ёрдам бериш механизмларини таклиф қилди.
«Бутун футбол олами Россиянинг қайтишини хоҳламоқда. Бу россиялик футболчилар учун халқаро мусобақаларда иштирок этиш имконини яратади. Мен ҳар бир мамлакат ФИФА аъзоси бўлишини ва мусобақаларда қатнашишини орзу қиламан», — деди Инфантино «KFOX14» YouTube каналида эълон қилинган видеода.
Бакрадзе Иман
Редактор