FIFA Олисега кўрсатилган сариқ карточкани бекор қилиш ҳақидаги апелляциясини рад этди
Халқаро футбол федерацияси (FIFA) Франция футбол федерациясининг яримҳимоячи Майкл Олисега кўрсатилган сариқ карточкани бекор қилиш ҳақидаги апелляциясини рад этди. Бу ҳақда L'Équipe хабар берди.
Олисе жаҳон чемпионати 1/8 финалида Парагвайга қарши (1:0) ўйиннинг қўшимча дақиқаларида огоҳлантирилган эди. Франция миллий жамоаси бош мураббийи Диде Дешам бу қарорни тасдиқлади.
«Бугун эрталаб FIFA қарорини олдик: карточка ўз кучида қолади», — деди Дешам.
Агар футболчи Марокашга қарши чорак финал баҳсида яна сариқ карточка олса, Франция ярим финалга йўлланма олган тақдирда, у «учранглилар»га ёрдам бера олмайди.
Маълум қилинишича, Франция футбол федерацияси (FFF) яқинда АҚШ ҳужумчиси Фоларин Балогун бўйича қабул қилинган қарордан сўнг апелляция билан чиққан эди.
Аввалроқ FIFA америкалик форвардга кўрсатилган қизил карточкани бекор қилганди.
