ФИФА футбол учрашувларидаги ирқчилик учун жазони кучайтирди

Футбол 10 май 2025 да 03:11

Бакрадзе Иман

Редактор

Халқаро футбол федерацияси (ФИФА) ўзининг интизомий кодексига киритилган янгиликларни тасдиқлади. Бу ҳақда ташкилот матбуот хизмати хабар берди.

Янги тартибга кўра, ирқчиликка оид ҳақоратлар учун энг юқори жарима миқдори 5 миллион швейцария франкини (тақрибан 6 миллион АҚШ доллари) ташкил этади.

Шунингдек, ҳакамларга учрашув пайтида трибуналарда ирқчилик ҳолатлари кузатилса, ўйинни тўхтатиш ёки муддатидан илгари тугатиш ҳуқуқи берилди. Футболчилар эса бундай ҳолатларда қоидабузарларни аниқлашда шахсан ёрдам беришлари мумкин — бу орқали хавфсизлик ходимлари уларни стадиондан чиқариб юбориш имкониятига эга бўлади.