FIFA АҚШнинг «MetLife Stadium» стадионида бўлиб ўтадиган ЖЧ-2026 финал учрашуви учун чипталар нархини оширди

FIFA АҚШнинг «MetLife Stadium» стадионида бўлиб ўтадиган ЖЧ-2026 финал учрашуви учун чипталар нархини оширди.

Янги нархлар турнирда иштирок этадиган барча 48 та жамоа номи маълум бўлганидан кейин эълон қилинди.

Финал учун янгиланган нархлар:

Энг қиммат чипталар: 10 990 доллар (илгари 8 680 доллар эди, ўсиш — 26,6%).
Иккинчи тоифа: 7 380 доллар (илгари 5 575 доллар эди, ўсиш — 32,4%).
Учинчи тоифа: 5 785 доллар (илгари 4 185 доллар эди, ўсиш — 38,2%).

Қайд этилишича, FIFA АҚШнинг 11 та, Мексиканинг 3 та ва Канаданинг 2 та шаҳрида бўлиб ўтадиган турнир учун динамик нарх белгилаш тизимидан фойдаланмоқда.

Шунингдек, чоршанба куни ЖЧ чипталарининг онлайн савдосида техник узилишлар кузатилган.

Иброҳим Жалолов

Редактор