FIFA AQSHning «MetLife Stadium» stadionida bo‘lib o‘tadigan JCH-2026 final uchrashuvi uchun chiptalar narxini oshirdi

FIFA AQSHning «MetLife Stadium» stadionida bo‘lib o‘tadigan JCH-2026 final uchrashuvi uchun chiptalar narxini oshirdi.

Yangi narxlar turnirda ishtirok etadigan barcha 48 ta jamoa nomi ma’lum bo‘lganidan keyin e’lon qilindi.

Final uchun yangilangan narxlar:

Eng qimmat chiptalar: 10 990 dollar (ilgari 8 680 dollar edi, o‘sish — 26,6%).
Ikkinchi toifa: 7 380 dollar (ilgari 5 575 dollar edi, o‘sish — 32,4%).
Uchinchi toifa: 5 785 dollar (ilgari 4 185 dollar edi, o‘sish — 38,2%).

Qayd etilishicha, FIFA AQSHning 11 ta, Meksikaning 3 ta va Kanadaning 2 ta shahrida bo‘lib o‘tadigan turnir uchun dinamik narx belgilash tizimidan foydalanmoqda.

Shuningdek, chorshanba kuni JCH chiptalarining onlayn savdosida texnik uzilishlar kuzatilgan.

Ibrohim Jalolov

Redaktor