FIFA Аргентина футболчиларининг финалдан кейинги ҳаракатларини текширмоқда
FIFA 2026-йилги Жаҳон чемпионати финалидан кейин Аргентина терма жамоаси вакиллари иштирокида юз берган воқеалар бўйича текширув бошлади. Бу ҳақда Daily Mail нашрига таяниб, “Championat” хабар берди.
Испанияга қарши финал учрашуви якунланганидан сўнг майдонда футболчилар ўртасида жанжал келиб чиққан. Хабарга кўра, аргентиналик ҳимоячи Науел Молина ёнидан ўтиб кетаётган Испания сардори Родрининг кўкрак қисмига қўли билан урган. Шундан сўнг икки футболчи ўртасида тортишув бошланган ва унга бошқа ўйинчилар ҳам қўшилган.
Леандро Паредес аввал Эрик Гарсияни бўйнидан ушлаган, кейин эса жамоадошини ҳимоя қилишга уринган Гавининг устига ташланган. Шунингдек, Аргентина мураббийлар штаби аъзоси Роберто Айала Дани Олмо билан тортишиб, унинг юзига урганликда айтилаётгани қайд этилмоқда.
FIFA ушбу эпизодларни алоҳида ўрганиб чиқиши ва Аргентина терма жамоаси вакилларига нисбатан интизомий чоралар қўллаш масаласини кўриб чиқиши кутилмоқда.
Эслатиб ўтамиз, ЖЧ-2026 финалида Аргентина Испанияга қўшимча бўлимларда 0:1 ҳисобида мағлуб бўлган эди.
