Февзи Давлетов: \"Биз ғалабага муносиб эдик\"
“Сурхон” бош мураббийи Февзи Давлетов ўйиндан кейинги матбуот анжуманида журналистларнинг саволларига жавоб берди:
Менимча, биз жуда яхши ўйин ўтказдик. Икки жамоа ҳам яхши футбол намойиш қилди ва ғалаба учун ўйнади. Аммо биз бу ғалабага муносиб эдик. Таъкидлаш керакки, биринчи тайм ажойиб ўтди. Шунчаки, биз яратган вазиятларда гол уриш керак эди. Иккинчи таймда эса ўйин охиригача шиддатли бўлди. Биз пенальтини ура олмадик, аммо ўйиндан гол ура олдик. Кирилл Колесниченко ўз хатосини тўғриллади ва чиройли гол урди.
Ўйинчиларимни муносиб ғалаба билан табриклайман. Стадионга кўп мухлислар келди ва биз уларни хурсанд қилишимиз керак эди.
Мавсум бошида таркиб бўйича муаммоларимиз бор эди. Ёшлар терма жамоасида ўйнаган футболчилар формага тушмаган эди. Муҳаммад-Али Абдураҳмонов тайёргарлик давридан сўнг ўз ўйинини топа олмаётганди. Ҳозир у ўзининг феноменал футболини намойиш қилаяпти.
Менимча, биз учун таҳлил қилишга сабаблар бор. Қилинган хатоларимиз ҳам йўқ эмас. Мавсум бошидаги омадсиз старт жамоани бироз синдирди. Лекин ҳозир жамоамиз яхшироқ ўйнаяпти. Менимча, бу ғалабалар бизга катта ишонч беради.
Биринчи таймда жуда кўп куч сарфладик. Режамиз тез гол уриш ва яратилган имкониятлардан фойдаланиш эди. Кейин эса ҳисобга қараб ўйнаш керак эди, чунки “Навбаҳор” жавоб зарбасини тез бериши мумкин эди.
Иккинчи таймда эса футболчилар чарчаганлиги учун бир неча алмашинувларни амалга оширдик. Захирадан майдонга тушганлар эса ўйинни кучайтириши керак эди.
