Ферран Торрес «ПСЖ»га ўтиш олдидан тиббий кўрикдан ўтади
Торрес 2022 йил январидан буён «Барселона» шарафини ҳимоя қилиб келмоқда.
ФОТО: Getty images
«Барселона» ҳужумчиси Ферран Торрес «ПСЖ»га ўтишдан олдин тиббий кўрикдан ўтиш учун Францияга учишга рухсат олди. Бу ҳақда журналист Фабрицио Романо маълум қилди.
Манбага кўра, Торрес ҳозир «Барселона» машғулотларида иштирок этмаяпти. Каталония клуби ва «ПСЖ» айни пайтда трансфер бўйича зарур ҳужжатларни ўзаро алмашмоқда.
Аввалроқ француз гранди Торреснинг трансфери учун «Барселона»га 50 миллион евро тўлаши ҳақида хабар берилган эди.
Ферран Торрес 2022 йил январидан буён «Барселона» шарафини ҳимоя қилиб келмоқда. У каталонияликлар билан уч марта Испания чемпиони бўлган ва мамлакат Суперкубогини қўлга киритган. Унинг клуб билан амалдаги шартномаси 2027 йил ёзига қадар мўлжалланган.
Розикжон Султонмуродов
Журналист