Ферран Торрес ПСЖ таклифига якуний жавобини берди
Торреснинг сўзларига кўра, футбол оламида келажакни олдиндан айтиш қийин, аммо айни пайтда у Каталония клубига эътибор қаратган.
Фото: Getty Images
“Барселона” ҳужумчиси Ферран Торрес келажаги борасидаги миш-мишларга ойдинлик киритди. Испаниялик футболчи ПСЖга ўтиш имкониятини рад этмаганини, бироқ ҳозирча “Барселона” футболчиси эканини ва клуб билан амалдаги шартномаси борлигини таъкидлади.
Торреснинг сўзларига кўра, футбол оламида келажакни олдиндан айтиш қийин, аммо айни пайтда у Каталония клубига эътибор қаратган. Шу билан бирга, футболчи ўзини қадрлашларини исташини ҳам яширмади.
Аввалроқ ОАВларда ПСЖ бош мураббийи Луис Энрике Ферран Торресни ўз жамоасида кўришни истаяётгани, парижликлар эса яқин кунларда “Барселона”га расмий таклиф юбориши мумкинлиги ҳақида хабарлар тарқалган эди. Ҳозирча томонлар ўртасида расмий келишув мавжуд эмас.
Насрулло Каримов
Журналист