Фернандеш истеъфога чиқарилган Аморимга мурожаат қилди
Аввалроқ португалиялик мутахассис «МЮ» билан хайрлашганди.
ФОТО: Getty Images
«Манчестер Юнайтед» сардори ва яримҳимоячиси Бруну Фернандеш клубдан бўшатилган португалиялик мутахассис Рубен Аморимга мурожаат йўллади. Футболчи 5 январь куни истеъфога чиқарилган мураббийга бағишлаб ижтимоий тармоқдаги саҳифасида пост жойлади.
«Раҳмат, устоз! Сизга ва мураббийлар штабангизга келгуси фаолиятингизда омад тилайман!» — деб ёзди Фернандеш Аморим билан хайрлашар экан.
Эслатиб ўтамиз, Рубен Аморим «Манчестер Юнайтед»да 2024 йил 11 ноябрдан 2026 йил 5 январгача фаолият олиб борган.
Бруну Фернандеш эса 2020 йил январ ойидан буён «қизил иблислар» сафида тўп суриб келмоқда. Шу вақт давомида у жамоа таркибида 308 та ўйинда майдонга тушиб, 103 та гол урди ва 93 та голли узатмани амалга оширди.
Насрулло Каримов
Журналист