Fernandesh isteʼfoga chiqarilgan Amorimga murojaat qildi
Avvalroq portugaliyalik mutaxassis «MYU» bilan xayrlashgandi.
FOTO: Getty Images
«Manchester Yunayted» sardori va yarimhimoyachisi Brunu Fernandesh klubdan bo‘shatilgan portugaliyalik mutaxassis Ruben Amorimga murojaat bilan chiqdi. Futbolchi 5 yanvar kuni iste’foga chiqarilgan murabbiyga bag‘ishlab ijtimoiy tarmoqdagi sahifasida post joyladi.
«Rahmat, ustoz! Sizga va murabbiylar shtabinggizga kelgusi faoliyatingizda omad tilayman!» — deb yozdi Fernandesh Amorim bilan xayrlashar ekan.
Eslatib o‘tamiz, Ruben Amorim «Manchester Yunayted»da 2024 yil 11 noyabrdan 2026 yil 5 yanvargacha faoliyat olib borgan.
Brunu Fernandesh esa 2020 yil yanvar oyidan buyon «qizil iblislar» safida to‘p surib kelmoqda. Shu vaqt davomida u jamoa tarkibida 308 ta o‘yinda maydonga tushib, 103 ta gol urdi va 93 ta golli uzatmani amalga oshirdi.
Nasrullo Karimov
Jurnalist