Фермин Лопес ҳам ЖЧ-2026 турнирини ўтказиб юборади
Испаниялик футболчи жароҳати сабаб мундиалда иштирок эта олмайди.
ФОТО: Getty Images
«Барселона» яримҳимоячиси Фермин Лопес жароҳати сабабли АҚШ, Канада ва Мексика мезбонлик қиладиган жаҳон чемпионатида қатнашмайдиган бўлди. Бу ҳақда «кўк-анорранглилар» матбуот хизмати хабар берди.
Лопес Ла Лиганинг 37-туридан ўрин олган «Бетис»га (3:1) қарши ўйинда ўнг оёғининг бешинчи кафтолди суягини синдириб олган. Тез орада футболчи жарроҳлик амалиётини ўтади.
Аввалроқ Испания терма жамоаси сафида Даниел Карвахал ва Альваро Мората ҳам жароҳат сабаб ЖЧ-2026 турниридан қолиб кетиши хабар қилинганди. Терма жамоанинг якуний таркиби 25 май куни эълон қилинади.
Насрулло Каримов
Журналист
