Ферлан Менди фаолиятини якунлаш ҳақида ўйламаяпти — Романо
Ҳимоячи муваффақиятли операция қилинди.
ФОТО: Getty Images
Мадриднинг «Реал» клуби ҳимоячиси Ферлан Менди айни дамда фаолиятини якунлаш ҳақида ўйламаяпти. Бу ҳақда журналист ва инсайдер Фабрицио Романо хабар берди.
Футболчи жароҳатидан сўнг муваффақиятли операция қилинди. Аввалроқ ўйинчида «пайнинг суякдан узилиши билан боғлиқ узилиш» аниқлангани ҳақида хабарлар тарқалган эди.
Менди 2019 йилдан буён «Реал» шарафини ҳимоя қилиб келмоқда. Жорий мавсумда у барча турнирларда 9 та ўйинда иштирок этди, бироқ самарали ҳаракатлари билан ажралиб турмади. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган.
Transfermarkt портали маълумотларига кўра, ҳимоячининг бозор қиймати 6 миллион еврони ташкил этади.
Насрулло Каримов
Журналист