«Фенербахче» Рафаэл Леауни ўз сафига қўшиб олмоқчи
Туркиянинг «Фенербахче» клуби Суперлигада чемпионлик учун курашиш мақсадида таркибни юлдуз футболчилар билан кучайтиришга қизиқиш билдираётгани айтилмоқда. Sabah нашрининг хабар беришича, Истанбул клуби Италиянинг «Милан» жамоаси сафида тўп сураётган 26 ёшли португалиялик вингер Рафаэл Леаунинг ҳаракатларини кузатмоқда.
Манба берган маълумотларга кўра, А Серия клуби футболчи бўйича 50 миллион евродан 60 миллион евросигача бўлган диапазондаги таклифларни кўриб чиқишга тайёр. Леаунинг вакиллари эса Европанинг етакчи лигалари клубларидан аниқ таклифлар кутмоқда. Шунингдек, португалиялик футболчига «Манчестер Юнайтед», «Пари Сен-Жермен» ва «Челси» каби жамоалар ҳам қизиқиш билдираётгани айтилмоқда.
Леаунинг «Милан» билан амалдаги шартномаси 2028 йилнинг ёзига қадар мўлжалланган. Transfermarkt портали маълумотларига кўра, футболчининг бозор қиймати 65 миллион еврони ташкил этади.
