\"Фенербахче\" Рафаэл Леауни трансфер қилмоқчи

Туркиянинг "Фенербахче" клуби "Милан" ҳужумчиси Рафаэл Леауни ўз сафига қўшиб олиш устида иш олиб бормоқда. Хабарларга кўра, Истанбул клуби яқин кунларда футболчининг вакиллари билан музокараларни фаоллаштиради.

Маълумотларга кўра, "Милан" португалиялик футболчини 50–60 миллион евро эвазига қўйиб юборишга тайёр. Ҳозирча Италия клубига расмий таклиф юборилмаган, бироқ "Фенербахче" Леауга юқори маош таклиф қилиш орқали трансферни амалга оширишга умид қилмоқда.

Рафаэл Леаунинг ўзи эса ҳали якуний қарор қабул қилмаган. Футболчи аввал Англия ёки Испаниядан таклиф кутётгани айтилмоқда. Шунга қарамай, айни пайтда унга энг жиддий қизиқиш билдираётган клублар "Фенербахче" ва "Галатасарой" бўлиб турибди.

Насрулло Каримов

Журналист

0 0 0 0 0 0