\"Fenerbahche\" Rafael Leaoni transfer qilmoqchi

Turkiyaning "Fenerbahche" klubi "Milan" hujumchisi Rafael Leaoni o‘z safiga qo‘shib olish ustida ishlamoqda. Xabarlarga ko‘ra, Istanbul klubi yaqin kunlarda futbolchining vakillari bilan muzokaralarni faollashtiradi.

Ma'lumotlarga ko‘ra, "Milan" portugaliyalik futbolchini 50–60 million yevro evaziga qo‘yib yuborishga tayyor. Hozircha Italiya klubiga rasmiy taklif yuborilmagan, biroq "Fenerbahche" Leaoga yuqori maosh taklif qilish orqali transferni amalga oshirishga umid qilmoqda.

Rafael Leaoning o‘zi esa hali yakuniy qaror qabul qilmagan. Futbolchi avvalo Angliya yoki Ispaniyadan taklif kutayotgani aytilmoqda. Shunga qaramay, ayni paytda unga eng jiddiy qiziqish bildirayotgan klublar "Fenerbahche" va "Galatasaroy" bo‘lib turibdi.

Nasrullo Karimov

Jurnalist

0 0 0 0 0 0