«Фенербахче» президенти гиёҳванд моддалар истеъмол қилганликда айбланмоқда
Унинг соч намунасидан кокаин аниқланган.
ФОТО: Getty Images
Туркиянинг «Фенербахче» клуби президенти Садеттин Сараннинг наркотик тестидан ижобий натижа бергани маълум бўлди. Бу ҳақда Fanatik онлайн нашри хабар бермоқда.
Манбага кўра, раҳбарнинг соч намуналарида кокаин излари аниқланган. Ҳисобот Истанбул Бош прокурорига юборилган, Саран эса ҳозирча қамоққа чиқмасликка доир кафолат остида турибди.
Садеттин Саран турк-америкалик спортчи, тадбиркор ва спорт менежери ҳисобланади. У «Фенербахче» президенти лавозимини шу йил сентябр ойида эгаллаган.
Ҳозирги вақтда «Фенербахче» Туркия Суперлигаси турнир жадвалида иккинчи ўринда бормоқда. Жамоа етакчи «Галатасарой»дан уч очко орқада қолган.
Насрулло Каримов
Журналист