«Фенербахче» Маркус Рэшфорд учун катта таклиф тайёрламоқда
28 ёшли Рэшфорд ўтган мавсумни «Барселона»да ижара асосида ўтказиб, 49 учрашувда 14 та гол ва 14 та голли узатмани қайд этди.
Фото: Getty Images
Туркиянинг «Фенербахче» клуби «Манчестер Юнайтед» ҳужумчиси Маркус Рэшфордни ўз сафига қўшишга жиддий қизиқиш билдираётгани айтилмоқда. Клуб инглиз футболчисининг трансфери учун катта маблағ сарфлашга тайёр.
Маълумотларга кўра, Рэшфорд «Фенербахче» кўриб чиқаётган уч футболчидан бири. Истанбул клуби, шунингдек, «Милан» вингери Рафаэл Леау ва «Кристал Пэлас» ҳужумчиси Исмаила Саррнинг ҳолатини ҳам кузатмоқда.
«Фенербахче» вакиллари Рэшфорднинг атрофидагилар билан дастлабки алоқани бошлаган. Клуб янги мавсумда «Галатасарай» билан совринлар учун курашадиган кучли таркиб тузишни мақсад қилган.
28 ёшли Рэшфорд ўтган мавсумни «Барселона»да ижара асосида ўтказиб, 49 учрашувда 14 та гол ва 14 та голли узатмани қайд этди.
Насрулло Каримов
Журналист