“Fenerbahche” Markus Reshford uchun katta taklif tayyorlamoqda
28 yoshli Reshford o‘tgan mavsumni “Barselona”da ijara asosida o‘tkazib, 49 uchrashuvda 14 ta gol va 14 ta golli uzatmani qayd etdi.
Foto: Getty Images
Turkiyaning “Fenerbahche” klubi “Manchester Yunayted” hujumchisi Markus Reshfordni o‘z safiga qo‘shishga jiddiy qiziqish bildirmoqda. Klub ingliz futbolchisining transferi uchun katta mablag‘ sarflashga tayyor.
Ma’lumotlarga ko‘ra, Reshford “Fenerbahche” ko‘rib chiqayotgan uch futbolchidan biri. Istanbul klubi, shuningdek, “Milan” vingeri Rafael Leau va “Kristal Pelas” hujumchisi Ismaila Sarrning holatini ham kuzatmoqda.
“Fenerbahche” vakillari Reshfordning atrofidagilar bilan dastlabki aloqani boshlagan. Klub yangi mavsumda “Galatasaroy” bilan sovrinlar uchun kurashadigan kuchli tarkib tuzishni maqsad qilgan.
28 yoshli Reshford o‘tgan mavsumni “Barselona”da ijara asosida o‘tkazib, 49 uchrashuvda 14 ta gol va 14 ta golli uzatmani qayd etdi.
Nasrullo Karimov
Jurnalist