«Фенербахче» Левандовски учун асосий даъвогар
“Барселона” билан амалдаги шартномаси якунланиб бораётган 37 ёшли Роберт Левандовскига Туркиянинг “Фенербахче” эиддий қизиқиш билдирмоқда.
Marca нашрида айтилишича, Турк клуби 37 ёшли польшалик тажрибали форвардни олиш мақсадида “Барселона”га расмий таклиф юборган.
Маълумотларга кўра, “Фенербаҳче” польшалик ҳужумчининг шартномаси якунланишига ярим йил қолганига қарамай, уни қишки трансферлар вақтида олиш учун Каталония клубига 10 миллион евро миқдорида бадал пули таклиф қилди.
Левандовскининг ўзи “Барселона”да қолиш истагини билдираётганини таъкидлаш лозим. Роберт клубда яна бир йил қолиш учун ҳозир олаётган 33,3 миллион евро миқдоридаги йиллик маошининг катта қисмидан воз кечишга тайёр.
Жорий мавсумда Роберт Левандовски барча мусобақаларда 17 та учрашувда иштирок этиб, 8 та гол уриб, 2 та голли узатма амалга оширган.
