«Фенербахче» Доменико Тедескони истеъфога чиқарди
Томонлар ҳамкорликни тўхтатишга қарор қилишди.
ФОТО: Getty Images
Доменико Тедеско «Фенербахче» бош мураббийи лавозимини тарк этди. Бу ҳақда турк клубининг расмий сайтида маълум қилинди.
«Директорлар кенгаши йиғилишида қабул қилинган қарорларга мувофиқ, биз бош мураббий Доменико Тедеско ва унинг мураббийлар штаби билан хайрлашдик. Шунингдек, спорт директори Девин Озек ва футбол бўйича координатор Берке Челеби билан ҳам ҳамкорликни тўхтатишга қарор қилинди.
Уларга клубимиз ривожига қўшган ҳиссалари учун миннатдорчилик билдирамиз ва келгуси фаолиятларида муваффақиятлар тилаймиз. Мавсумнинг қолган ўйинларида жамоани бош мураббий ёрдамчиси Зеки Мурат Гёле бошқариб боради», — дейилади Истанбул клуби баёнотида.
Насрулло Каримов
Журналист