«Фенербахче» Асенсионинг трансферини эълон қилди
Фото: Getty Images
Испаниялик ярим ҳимоячи Марко Асенсио фаолиятини Туркияда давом эттиради.
“Фенербахче” клуби испаниялик вингер билан 3 йиллик шартнома тузди. Томонларда битимни яна бир мавсумга узайтириш имконияти ҳам мавжуд.
Келишувнинг умумий қиймати 15 миллион еврони ташкил этади.
Ўтган мавсумнинг иккинчи ярмини Асенсио “Астон Вилла”да ўтказди. Испаниялик футболчи АПЛ доирасидаги 13 та ўйинда 3 та гол урди ва битта голли узатма амалга оширди.
Бир неча кун олдин “Фенербахче” клуби Жозе Моуриньони истеъфога чиқарганди.
Розикжон Султонмуродов
Журналист