\"Фенербахче\" АПЛдан футболчи олиб келмоқчи
Фото: Getty Images
"Ноттингем Форест" клуби қанот ҳужумчиси Жота Силва Туркиянинг "Фенербахче" клуби қизиқишлари доирасида бўлиб турибди.
Инсайдер Экрам Конурнинг хабар беришича, 25 ёшли португалиялик хизматларига шахсан "Фенербахче" бош мураббийи Жозе Моуринью қизиқиш билдирмоқда.
Қайд этилишича, турк клуби Силвани сотиб олиш ҳуқуқи билан ижарага олишни режалаштирмоқда. Футболчининг агенти билан музокаралар аллақачон бошланган.
Якунланган мавсумда у барча мусобақаларда 38 та ўйинда майдонга тушиб, бешта гол урди ва учта голли узатмани амалга оширди. Transfermarkt вингернинг нархини 15 млн еврога баҳоламоқда.
Розикжон Султонмуродов
Журналист