Федерико Вальверде Хаби Алонсонинг «Реал»дан кетишига муносабат билдирди
Мадриднинг «Реал» клуби яримҳимоячиси Федерико Вальверде жамоа бош мураббийи Хаби Алонсо истеъфоси юзасидан фикр билдирди. Испаниялик мутахассис Испания Суперкубоги финалида «Барселона»га 2:3 ҳисобида ютқазилгандан сўнг, эртаси куни лавозимидан озод этилган эди.
«Устоз, сизга ва ҳар доим ўз ишига профессионал муносабатда бўлган бутун мураббийлар штабига энг яхши тилакларимни билдираман. Олдимизда турган барча ишларингизда омад тилайман», — деб ёзди Вальверде ижтимоий тармоқларда.
Хаби Алонсо 2025 йил ёзидан буён «Реал»ни бошқариб келаётганди. Унинг ўрнига жамоа бош мураббийи этиб мадридликларнинг собиқ футболчиси Альваро Арбелоа тайинланди.
Ҳозирда «Реал» Ла Лига турнир жадвалида иккинчи ўринни эгаллаб турибди. Мадридликлар ҳисобида 19 учрашувдан кейин 45 очко мавжуд. Чемпионлар лигасида эса жамоа 12 очко билан умумий жадвалда еттинчи поғонада бормоқда.
