Федерико Кьеза Италия терма жамоаси ихтиёрини тарк этди
«Ливерпуль» ҳужумчиси Федерико Кьеза Италия терма жамоаси лагерига хайрлашди. Унинг ўрнига «Болонья» футболчиси Николо Камбяги жамоага жалб этилди. Бу ҳақда Италия футбол федерацияси (FIGC) расмий сайти хабар қилмоқда.
«Футболчи Федерико Кьеза Федерал техник марказга етиб келганидан сўнг унинг ҳолати баҳоланди ва у бўлажак иккита учрашувда қатнашолмаслиги маълум бўлди. Клуб билан келишилган ҳолда, футболчи миллий терма жамоа машғулот йиғинини тарк этди. Унинг ўрнига «Болонья» аъзоси Николо Камбяги чақирув олди», — дейилади FIGC хабарида.
Эслатиб ўтамиз, 26 март куни Италия терма жамоаси 2026 йилги Жаҳон чемпионатига йўлланма берувчи ўтиш турнири яримфиналида Шимолий Ирландияга қарши майдонга тушади. Агар «Скуадра Адзурра» ушбу босқичдан муваффақиятли ўтса, ҳал қилувчи баҳсда Уэльс — Босния ва Герцеговина жуфтлиги ғолиби билан куч синашади.
