Фарғонада футбол майдонида жанжал кўтарган беш нафар фуқаро жазоланди
Бувайди туманида футбол учрашувидан сўнг юзага келган можаро учун беш нафар фуқарога маъмурий жазо тайинланди
Расм: Telegram
Фарғона вилоятининг Бувайди туманида футбол учрашувидан сўнг юзага келган можарода иштирок этган беш нафар фуқаро қўлга олинди. Маълумотларга кўра, ўйиндан кейин тушунмовчилик келиб чиқиб, у муштлашувга айланган.
2 август куни туман жиноят ишлари бўйича суди мазкур иш юзасидан қарор чиқарди. Тартиббузарларга Маъмурий жавобгарлик тўғрисидаги кодекснинг 183-моддаси (Майда безорилик) ҳамда 194-модданинг 1-қисми (Ички ишлар органи ходимининг қонуний талабларини бажармаслик) асосида чора кўрилди.
Суд қароригa кўра, битта иштирокчи 10 сутка, бошқаси 7 сутка, қолган уч нафари эса 5 сутка маъмурий қамоқ жазосига тортилди.
Бакрадзе Иман
Редактор