Фариоли «Челси»ни бошқармоқчи эмас
Фариолининг "Порту" билан шартномаси 2028 йилгача мўлжалланган
ФОТО: Getty images
“Порту” бош мураббийи Франческо Фариоли “Челси”га тайинланиши ҳақидаги миш-мишларга муносабат билдирди.
Аввалроқ клуб Лиам Росеньор ўрнига италиялик мутахассисни таклиф қилишни ўйлаб тургани хабар қилинганди.
“Мен “Порту" мураббийиман ва бу ерда ишимни давом эттираётганимдан хурсандман”, — деди инсайдер Фабрицио Романо иқтибос келтирган Фариоли.
Маълумот учун, унинг жамоаси Португалия лигаси чемпионлигини деярли нақд қилиб қўйишган — чемпионат якунига уч тур қолганда иккинчи ўриндаги “Бенфика” билан орадаги фарқ 7 очкони ташкил этмоқда. Фариолининг амалдаги шартномаси 2028 йилгача мўлжалланган
Розикжон Султонмуродов
Журналист
