Фалькао \"Милионариос\"ни тарк этди
Фото: Getty Images
Колумбиялик футболчи Радамель Фалькао “Милионариос” жамоасини тарк этди. Бу ҳақда клуб ўзининг ижтимоий тармоқлардаги саҳифаси орқали хабар берди.
Қайд этилишича, футболчининг ўзи шу қарорга келган. У 2024 йилнинг ёзидан бери “Милионариос” сафида тўп суриб келаётганди.
Фалькао ушбу клуб сафида 29 та ўйинда 11 та гол урди. Эндиликда Радамель фаолиятини ҳам якунлаши мумкин. Тез орада у якуний қарорини эълон қилади.
Эслатиб ўтамиз, Фалькао “Атлетико”, “Челси”, “Манчестер Юнайтед”, “Монако” ва “Галатасарой” каби клублар шарафини ҳимоя қилган.
Баҳром Бобонов
Редактор