Фаластин футболи раҳбари ҳам АҚШга киритилмади
АҚШ ҳукумати Фаластин футбол ассоциацияси президенти Жибрил Раджубга мамлакатга кириш учун виза бермади. Қизиғи шундаки, Раджуб FIFA томонидан расмий аккредитациядан ўтган ва мундиал доирасидаги тадбирларда қатнашиши керак эди.
Раджуб аллақачон Мексикага етиб борган ва Мексика ҳамда Жанубий Африка ўртасидаги очилиш учрашувини стадиондан туриб томоша қилган. Бироқ энди у АҚШда ўтказиладиган ўйинларга ташриф буюриш имкониятидан маҳрум бўлди.
Фаластин футболи раҳбари бу қарорни адолатсиз деб атап, спорт вакилларининг халқаро мусобақаларда қатнашиш ҳуқуқини чеклаш футбол қадриятларига зид эканини таъкидлади.
Эътиборлиси, бу виза билан боғлиқ илк ҳолат эмас. Аввалроқ сомалилик ҳакам Омар Артан ҳам АҚШга киритилмаганди. Шунингдек, айрим журналистлар, делегация вакиллари ва ҳатто чипта сотиб олган мухлислар ҳам виза ва кириш масалаларида муаммоларга дуч келмоқда.
FIFA эса мезбон давлатларнинг иммиграция сиёсати ва виза қарорларига аралашмаслигини маълум қилган.