Файзуллаевнинг трансфери хавф остидами?
Агент Алексей Сафонов: У фақат тиббий кўрикдан ўтолмаган бўлиши мумкин
Расм: Gazeta.uz
Футбол агентларидан бири Алексей Сафоновнинг маълум қилишича, ЦСКА ярим ҳимоячиси Аббосбек Файзуллаевнинг Туркиянинг “Истанбул Башакшехир” жамоасига ўтиши амалга ошмаслиги мумкин. Сабаб — тиббий кўрикдан ўтолмагани.
“Аббос учун “Истанбул”га ўтиш мантиқий қарор бўлар эди. Аммо менга яқин манбалар Файзуллаев тиббий кўрикдан ўтолмаганини айтди. Агар бу тасдиқланса, у жамоани тарк этмайди.
Менга у футболчи сифатида ёқади — ақлли, техник жиҳатдан етук. Менимча, у испан футболига мос тушади. ЦСКА учун эса бу яхши трансфер бўларди. Чунки у айрим ўйинларда жамоани қутқарган. Шунингдек, у жаҳон чемпионатида ҳам қатнашади”, — деди Сафонов.
Эслатиб ўтамиз, Файзуллаевнинг ЦСКА билан амалдаги шартномаси 2026 йил ёзигача мўлжалланган.
Бакрадзе Иман
Редактор