Фахрийларимиз Warsaw Veteran European Cup 2026 турнирида 4 та олтин медаль қўлга киритишди
Дунёнинг 28 давлатидан 200 нафарга яқин фахрий дзюдочилар иштирок этишди.
Фото: O'zbekiston Dzyudo Federatsiyasi
Польша пойтахти Варшава шаҳрида фахрийлар ўртасида Warsaw Veteran European Cup 2026 турнири бўлиб ўтди.
Дунёнинг 28 давлатидан 200 нафарга яқин фахрий дзюдочилар иштирок этган мусобақада Ўзбекистон терма жамоасининг барча тўрт нафар вакили чемпионлик шоҳсувасига кўтарилди. Бу эса терма жамоамизнинг кучли бешликдан жой олишини таъминлади.
Тимур Худайқулов (-73 кг), Баҳром Иноятов (-81 кг), Ербол Рустамов (+100 кг) ва Ҳамид Атажанов ўз ёш ҳамда вазн тоифаларида олтин медални қўлга киритишди.
Розикжон Султонмуродов
Журналист