Фаэ: «Футболчилар ЖЧ плей-офф босқичига чиқиш тарихий имкониятига жуда яқин эканликларини билишади»
Кот-д'Ивуар терма жамоаси бош мураббийи Эмерс Фаэ Кюрасаога қарши ўйин олдидан ўз фикрларини билдирди.
«Эквадор (1:0) ва Германия (1:2) билан бўлган ўйинларда кўрсатган фидойилик, руҳий тайёргарлик ва шиддатни намойиш этиш қобилиятимиз асосий омил бўлади. Агар эртага рақибга ҳурмат билан ёндашсак, кейинги босқичга чиқиш учун яхши имкониятга эга бўламиз деб ўйлайман.
Германиядан учралган мағлубиятдан сўнг тикланиш учун вақтимиз бўлди. Жамоанинг кайфияти аъло. Футболчилар жаҳон чемпионати плей-офф босқичига чиқиш тарихий имкониятига жуда яқин эканликларини билишади», — дея Фаэнинг сўзларини келтиради ФИФА расмий сайти.
Кюрасао терма жамоаси Е гуруҳи турнир жадвалида тўртинчи ўринни эгаллаб турибди. Кот-д'Ивуар уч очко билан иккинчи ўринда жойлашган.
