Фабрегаснинг мураббийлик мактаби
Сеск Фабрегаснинг мураббийлик мактаби:
«Бу жуда ажойиб. Мен муайян бир йўналишда, яъни «Барселона» услубида тарбия топганман. Кейинчалик эса фаолиятим давомида барча мураббийлар мендан талаб қилган ҳар бир нарсага мослашиб бордим.
Арсен Венгер яхши футбол тарафдори эди, лекин жуда вертикал ва тезкор. Бир сонияда ўз жарима майдонимизда ҳимояланаётган бўлсак, икки сониядан кейин Терри Анри гол ураётганини кўрардингиз.
Кейин Гвардиола билан ҳаммаси кўпроқ тактикага ва тўп назоратига асосланган эди.
Конте билан эса бу кўпроқ тизим эди. «Роботик» футбол. У бизга нима қилишимиз кераклигини ипидан-игнасигача тушунтирарди. А, Б, В, Г — тўпни қаерга узатиш кераклигигача, у сенга бошқача механизмларни берган.
Дел Боскеда эса футболдан кўра кўпроқ бошқарувни кўраман. Биз тактика устида у қадар кўп ишламасдик. У деталларга руҷу қўймасди, лекин унинг инсонлар ва ўйинни бошқариш қобилияти шунчаки ажойиб эди.
Ва ниҳоят Моуриньо... У билан ақл билан ўйнашни ўрганасан. У сени қандай руҳлантириши, сенга қандай чақирув ташлаши... Унинг методологияси ва машғулотлари жуда таъсирли эди».
