Фабрегаснинг «Комо»си ёзги ойна учун йирик трансферларга тайёргарлик кўрмоқда — Романо
Клуб таркибни кучайтириш учун икки нафар футболчини нишонга олган.
ФОТО: Getty images
Сеск Фабрегас бошчилигидаги Италиянинг «Комо» клуби ёзги трансферлар ойнасида таркибни кучайтириш ниятида, чунки янги мавсумда жамоа ўз тарихида илк бор УЕФА Чемпионлар Лигасида иштирок этади.
Инсайдер Фабрицио Романонинг ижтимоий тармоқдаги маълумотига кўра, клуб таркибни кучайтириш учун икки нафар футболчини нишонга олган.
Фабрегас «Крузейро» ҳимоячиси Кайки ва Дортмунднинг «Боруссия» клуби аъзоси Ян Коутони таклиф қилиб, бразилиялик дуэтни яратишни режалаштирмоқда. Кутилишича, Кайкининг трансфер нархи 14 млн евро, Коутоники эса 17 млн еврони ташкил қилади.
Сеск Фабрегас 2024 йил 19 июлда «Комо» бош мураббийига айланди. У клуб билан тўрт йил муддатга — 2028 йилнинг июнигача мўлжалланган узоқ муддатли шартнома имзолади.
