Фабрегас: «АПЛ — дунёнинг энг яхши лигаси»
Италиянинг “Комо” клуби бош мураббийи Сеск Фабрегас келажакда Англия Премьер-Лигасига қайтишини истисно этмаслигини тасдиқлади.
“АПЛ — дунёдаги энг яхши лига. Мен бу ҳақда доим аниқ айтганман: ўйинчи бўлганимда ҳам шундай ҳис қилганман ва ҳозир ҳам — мураббий сифатида ҳам, мухлис сифатида ҳам — шу фикримда қоламан.
Бир пайтлар “Челси”да бўлганимда Моуриньо менга айтганди: “Менинг ишлашим учун ҳали 30 йил бор”. Шундай экан, мен “Комо”да 10 йил ўтказиб, кейин барибир АПЛга йўл олишим мумкин. Футболнинг тайини йўқ — ҳамма нарса бир сонияда ўзгариши мумкин: бугун сен чўққидасан, эртага пастда бўлишинг мумкин. Келинг, ҳозирги лаҳзани қадрлайлик ва келажак нима тайёрлаб қўйганини кўрамиз.
Мен қандай ҳис қилсам, шундай мураббийлик қиламан. Мен ўйинни яхши кўраман. Фақат натижа учунингина мураббийлик қилмайман — бунга заруратим йўқ, менинг ўз принципларим бор”, — дея Фабрегаснинг сўзларидан иқтибос келтиради Goal.
“Арсенал” ва “Челси”нинг собиқ ўйинчиси бошқараётган жамоа европа кубоклари йўлланмасини қўлга киритишга яқин. А Сериянинг 35-туридан сўнг “Комо” 62 очко билан турнир жадвалининг бешинчи поғонасида бормоқда.
