Фабио Кеннаваро — Ўзбекистон терма жамоаси бош мураббийи (Романо)
Шартнома шартлари яқин соатларда эълон қилинади ва 24/48 соат ичида имзоланади.
Photo: gettyimages
Ўзбекистон миллий жамоасини вақтинчалик Темур Кападзе бошқариб келаётган эди. Кападзе миллий жамоа билан Жаҳон чемпионати саралаш баҳсларининг энг муҳим ўйинларида қатнашиб, керакли натижани қўлга кирита олди.
Миллий жамоага бош мураббий танлашда УФА ниҳоят якуний қарорни амалга оширди.
Фабрицио Романонинг маълум қилишича, Италия миллий жамоасининг собиқ ҳимоячиси, олтин тўп соҳиби Фабио Кеннаваро Ўзбекистон миллий жамоасининг янги бош мураббийи этиб тайинланади. Шартнома шартлари яқин соатларда эълон қилинади ва 24/48 соат ичида имзоланади.
Иброҳим Жалолов
Редактор