Фабио Каннаваро: «ЖЧдан кейин ўйин услубимизга ўзгартириш киритиш керак деб ҳисобладим»
Фабио Каннаваро: «ЖЧдан кейин ўйин услубимизга ўзгартириш киритиш керак деб ҳисобладим»
Ўзбекистон миллий жамоаси бош мураббийи Жанубий Кореяга қарши баҳс олдидан матбуот анжуманида иштирок этди.
Ўзбекистон миллий жамоаси бош мураббийи Фабио Каннаваро Жанубий Кореяга қарши беллашувдан олдинги матбуот анжуманида иштирок этди. Унда турли саволларга жавоб берди.
- «Ҳаммага салом. Жанубий Кореяга келиш биз учун ёқимли бўлган. Эртага жиддий баҳс кутмоқда. Жаҳон чемпионатидан кейин миллий жамоамизда бир қатор ўзгаришлар бўлди. Бўлажак баҳсда энг яхши ва сифатли ўйинимизни кўрсатишимиз керак. Ҳеч кимга сир эмаски, Корея жуда кучли миллий жамоалардан бири ҳисобланади. Уларнинг майдонида яхши натижа учун ҳаракат қиламиз.
- Жаҳон чемпионатидан кейин йигитларга шуни айтдимки, биз шу даражани имкон қадар сақлаб қолишимиз керак. Ҳар йили ўз устимизда кўпроқ ишлаб, ўз олдимизга юқори мақсадларни қўйишимизни айтдим. ЎФА ва миллий жамоалар маркази билан гаплашганимда ҳам 17-21 ёшдаги ўйинчилар Суперлиганинг топ жамоаларида мунтазам ўйин амалиётига эга бўлиши керак. Бу эса ўша ўйинчининг потенциал имкониятларини кўрсатиб беради. Миллий жамоага чақирилиши янада осонлашади.
- Жаҳон чемпионатидан кейин учта беллашувда кўпроқ ҳимояга эътибор берган эдингиз. Жанубий Кореяга қарши баҳсда қайси тактикани қўллашингиз мумкин?
- Ўзбекистон миллий жамоасига тайинланганимдан кейин тактикага кўп ўзгартириш қилмасликка қарор қилгандим. Аввалги ҳимоявий услубни қолдиришга қарор қилгандим. Жаҳон чемпионатидан сўнг эса бироз ўзгартириш қилдим. Ўйин услубини ўзгартириш вақти келганини ҳис қилдим. Ҳозир ўйинчиларга янги тушунчалар бермоқдаман. Ортда қолган вақтда шуни англадимки, ўзбек футболида ёшлигидан агрессив ҳаракат қилишга ўргатилади. Бу мамлакатда ёшлар жуда иқтидорли эканлигининг гувоҳи бўлдим. Шундан келиб чиқиб, миллий жамоанинг ҳам ўйин услубини ўзгартириб, шуни уларнинг онгига сингдиришга ҳаракат қиляпман. Агрессив футболни ёқтираман. Мен ҳам миллий жамоага янги номларни чақириш ва уларнинг имкониятларини кўришга ҳар доим тайёрман».
