Фабио Каннаваро: Биз — бир жамоамиз. Ўзбекистон халқи. Келинг, биргаликда орзу қилайлик
Ўзбекистон миллий терма жамоаси бош мураббийи Фабио Каннаваро ноябрь ойидаги йиғин якунлари ҳақида фикрларини билдирди.
“Бизнинг олдимизда катта мақсад турибди — 2026-йилги Жаҳон чемпионатига пухта, тайёрланган ва тўлиқ хабардор ҳолда етиб бориш. Шу нуқтаи назардан, БААда ўтказилган Al-Ayn халқаро кубогида ғалаба қозонган жамоам билан фахрланаман. FIFA рейтингида биздан юқорида жойлашган Миср ва Эрон каби кучли рақиблар устидан эришилган ғалабалар муҳим тажриба бўлди.
Сафар энди бошланмоқда, бироқ биз тўғри йўлдамиз. Қадамма-қадам, ҳар куни фидойилик билан ишлашни давом эттиришимиз зарур. Фақат шунда биз барқарор ва мустаҳкам жамоа тизимини шакллантира оламиз.
Биз — бир жамоамиз. Ўзбекистон халқи. Келинг, биргаликда орзу қилайлик”, — деди мутахассис.
