ЎФА раҳбарияти Жиззахга ташриф буюрди

Ўзбекистон футбол ассоциацияси раҳбарияти Жиззах вилоятида бўлиб, у ердаги футбол инфратузилмаси ва футбол академиялари фаолияти билан яқиндан танишди.

Равшан Эрматов Жиззах вилояти футбол академияси ҳамда “Сўғдиёна” футбол клуби академияси фаолиятини ўрганди, ёш футболчилар учун яратилган шарт-шароитлар ва ўқув-машғулот жараёнларини кўздан кечирди.

Ташриф давомида маҳаллий мутасаддилар билан учрашув ўтказилиб, ҳудудда футболни ривожлантириш, иқтидорли ёшларни қўллаб-қувватлаш ҳамда инфратузилмани янада такомиллаштириш масалалари муҳокама қилинди.

Розикжон Султонмуродов

Журналист