Эзе — «Арсенал» футболчиси
Фото: Арсенал ФК
"Арсенал" Эберечи Эзенинг трансферини эълон қилди.
“Тўпчилар” футболчи билан 4 йиллик битим имзолади. "Кристал Пэлас" вингер учун 60 млн фунт олган, яна 7,5 млн фунт бонус сифатида кўзда тутилган. Эзе янги жамоада 10-рақамни олди.
"Арсенал"нинг бу ёздаги умумий харажатлари 267 млн фунтга етди. Эберечи учун курашда клуб принципиал рақиб - "Тоттенхэм"ни ортда қолдирди.
27 ёшли футболчи ўтган мавсум барча турнирларда 43 та ўйинда майдонга тушиб, 14 та гол урди ва 11 та голли узатмани амалга оширди. Унинг Transfermarkt'даги нархи 55 миллион еврога баҳоланмоқда.
Розикжон Султонмуродов
Журналист
