Европа Лигаси плей-офф босқичига чиққан барча жамоалар номи маълум бўлди
Ушбу босқич учун қуръа ташлаш маросими бугун бўлиб ўтади.
ФОТО: Getty Images
Европа Лигасининг умумий босқичи ўз ниҳоясига етди ва плей-офф йўлланмасини қўлга киритган барча жамоалар номи маълум бўлди.
Турнир жадвалида дастлабки саккизта ўринни эгаллаб, тўғридан-тўғри 1/8 финал босқичига йўл олган жамоалар билан танишинг:
- «Лион», «Астон Вилла», «Мидтюлланн», «Бетис», «Порту», «Брага», «Фрайбург» ва «Рома».
Кейинги поғоналарни банд этган қуйидаги жамоалар эса нимчорак финал йўлланмаси учун ўтиш ўйинларида иштирок этишади:
- «Генк», «Болонья», «Штутгарт», «Ференцварош», «Ноттингем Форест», «Виктория Пльзень», «Срвена Звезда», «Сельта», PAOK, «Фенербахче», «Панатинаикос», «Лилль», «Селтик», «Лудогорец», «Динамо» (Загреб) ва «Бранн».
Эслатиб ўтамиз, 9-ўриндан 24-ўрингача бўлган жойларни эгаллаган жамоалар 1/8 финалнинг қолган 8 та йўлланмаси учун ўзаро баҳс олиб борадилар. Европа Лигасининг ушбу босқичи учун қуръа ташлаш маросими бугун, 30 январ куни Тошкент вақти билан соат 17:00 да бўлиб ўтади.
Насрулло Каримов
Журналист