Европа Лигаси ғолиблиги учун асосий фаворит маълум бўлди — Opta
Opta суперкомпьютери Европа Лигасининг умумий босқичи якунланиши билан турнир ғолиблиги учун ўз прогнозларини янгилади. Таҳлилий модель мусобақа бош соврини учун яққол фаворитни аниқлаб берди — бу жамоа имкониятлар борасида рақибларидан анча илгарилаб кетган.
Суперкомпьютер ҳисоб-китобларига кўра, бош соврин учун асосий даъвогар — «Aston Villa». Унаи Эмери шогирдларининг чемпионлик имконияти 44% деб баҳоланмоқда. Бу кўрсаткич энг яқин таъқибчининг имкониятидан қарийб тўрт баробар кўпдир.
Рейтингнинг иккинчи поғонасидан «Roma» (10,1%) жой олган бўлса, кучли учликни «Portu» (9,3%) якунлаб берди. Шунингдек, кучли бешликдан «Lion» (7,5%) ва «Nottingem Forest» (5,3%) клублари ҳам ўрин олди. Қолган иштирокчиларнинг ғалаба қозониш имконияти 5 фоиздан паст деб кўрилмоқда.
Opta талқинига кўра, топ-10 таликка «Shtutgart», «Braga», «Betis», «Frayburg» ва «Midtyullann» жамоалари ҳам киритилган. Таҳлилчиларнинг алоҳида таъкидлашича, «Aston Villa»га берилган бундай юқори фоиз плей-офф босқичи учун камдан-кам учрайдиган ҳолат бўлиб, бу жамоанинг умумий босқичдаги барқарор ўйинидан далолат беради.
